foto1
foto1
foto1
foto1
foto1
บ่ทันใด๋กะสิฮอดออกพรรษาแล้วน้อ ทางอีสานบ้านเฮากะมีบุญใหญ่หลายหม่อง สกลนคร เพิ่นกะมีแห่ผาสาทเผิ้ง นครพนมกับจังหวัดใกล้แม่น้ำใหญ่กะมีไหลเฮือไฟ ตามริมแม่น้ำโขงหลายหม่องหลายบ่อนกะสิมีปรากฏการณ์ลูกไฟ (บั้งไฟพญานาค) ให้ได้ไปเฝ้าชมความมหัศจรรย์นี้ ชาวบ้านกะได้ทำบุญตักบาตรพระกัน หลังจากนั้นไปตลอด ๑ เดือน กะสิแม่น งานบุญกฐิน ในทุกแดนดินไทย สาธุๆ นำเด้อครับ

Our Sponsor

adv200x300 1

adv200x300 2

Facebook Likebox

IsanGate Radio Online

radio online banner

Administrator

mail webmaster

My Web Site

krumontree200x75
easyhome banner
isangate net200x75
paya header

ju ju  แนวบักต้อง บ่ห่อนหล่นไกลกก แนวผมดกบ่ห่อนมีหัวล้าน

     ## ลูกไม้ย่อมหล่นไม่ไกลต้น  ##

klonlum header

ลำ "หัวใจเตื้องต่อ" ลำโดยนางเอกหมอลำสาวสวย บานเย็น รากแก่น ศิลปินแห่งชาติสาขาศิลปการแสดง (หมอลำ) ประจำปีพุทธศักราช 2556

 

หัวใจเตื้องต่อ

ลำโดย บานเย็น รากแก่น

 
            (เกริ่น) อ้ายเอ้ย มาสูแต่เท่หลายซั่ง แฟนนางเอย... โอ้นอพี่เอย ผู้จบๆ คือพี่ ละผู้ดีๆ คืออ้าย สิให้ไลลืมถิ่ม ไผสิลืมได้ง่ายๆ นอละอ้าย.. ฟ้าบ่หงาย ทรายบ่ปี้น หินบ่ลอยล่องน้ำ บ่มีมื้อสิหล่ายแฟน ตกกะเทินว่าได้ฝังหลักแน่น ฮวยสีบ่ให้ก่นดอกเด้อ้าย ลมสิอุ้มหากอุ้ม ตีต้องกะบ่ตีง เว้าความจริงน้องนี่เตื้องต่ออ้าย เสมอตอตั้งต่อ ตั้งต่อตั้ง ตั้งต่อติดตัง ตังตุง ติดละต่อตังตุงตั้ง หวังให้ติดอิ้งติ้งบ่ให้ติงเอ้ยติ้งต่าง เอาแบบตั้งต่อตั้งเสมอดั้งต่อสะยัว เด๋... จังว่าเท่หลายซ่าง ดาราหนังยังบ่ส่ำ


            (ลำ) น้องต่อเตื้อง เตื้องต่อพ่อจอมขวัญ (ซ้ำ) นางอยากลองพัวพันอยู่กันล่ะนำอ้าย ย่านแต่ชายมีหม่องคนจองเจ้าไว้ก่อน อยากสิมีคู่ซ้อน อั๋วอยากมีคู่ซ้อน ซิมาล้ายหล่าเหลือง ใจต่อเตื้อง ใจต่อเตื้อง จะยอมเสี่ยงยอมสอ บ่แม่นหลานพันโทก็บ่ได้แคพอดี้ เป็นจิกโก๋ แนวนี้ แนวใด๋กะตามซ่าง ให้แต่แนวต่อเตื้อง ว่าแต่แนวต่อเตื้อง ไอ้เชียงแก้วบ่ว่าหยัง เมื่อ ต่อตั้ง ตั้งต่ออ้ายให้ว่าชายเสือ ไผว่าเมียสำเอา แต่บ่เอาล่ะหูโต้น แต่บ่เอาเจ้าหูโต้น


            (ดนตรี) โอ้พ่อคิ้วคัดโค้ง ชะโอ้พ่อคิ้วคัดโค้ง ฟ้าส่งให้มาซั้นบ้อ โถพบกันจ้อๆ จ้อๆ อดใจไว้กะบ่ไหว กะบ่ไหว บ่ฮู้ว่าเป็นจั่งใด๋ (ซ้ำ) จั่งได้เป็นไปจั่งซี้ คนอยากสวมหมากมี้ หมากมี้ละมาซ้อนหมากขนุน หมากขนุน น้องนี่คิดต่อเตื้อง (ซ้ำ) เตื้องต่อแต่เพียงพ่อคุณ หัวใจนางได้ลุ้น ต่อเตื้องแต่เพียงอ้ายผู้เดียว ละผู้เดียว
 

 

banyen9

สนับสนุนให้ IsanGate อยู่รับใช้ท่านตลอดไป ด้วยการคลิกแบนเนอร์ไปเยี่ยมผู้สนับสนุนของเราด้วยครับ

isan word tip

isangate net 345x250

ppor blog 345x250

adv 345x200 1