foto1
foto1
foto1
foto1
foto1
ช่วงนี้อากาศแปรปรวนนะครับ ฤดูหนาวแต่ร้อน และมีฝนตกกระจายทั่วประเทศเลยทีเดียว และตอนนี้ก็ฤดูเก็บเกี่ยวของชาวนาซึ่งไม่ได้เก็บเกี่ยวด้วยมือแบบดั้งเดิมแล้ว แต่หันมาใช้รถเกี่ยวข้าวแทนซึ่งทำได้รวดเร็วกว่ามากๆ แต่ก็มีปัญหาตามมาคือข้าวเปลือกมันยังไม่แห้งเก็บเข้ายุ้งฉางไม่ได้ ต้องมีการตากแดดให้แห้งก่อนสัก 2-3 วัน พอมีฝนมาแบบนี้ก็แย่เลย บางรายก็เอาไปตากบนถนนหนทางซึ่งอันตรายมากๆ อย่าหาทำเด้อพี่น้อง มันผิดกฎหมาย...😭🙏😁

: Our Sponsor ::

adv200x300 2

e mil

No. of Page View

paya supasit

ju juคันเจ้าได้ขี่ซ้างกั้งฮ่มเป็นพระยา อย่าได้ลืมคนทุกข์ผู้ขี่ควายคอนกล้า

        ## ถ้าได้ดิบได้ดีหรือได้เป็นใหญ่แล้ว ก็อย่าได้ลืมผู้คนรอบข้าง @อย่าลืมบุญคุณคนที่เคยเอื้อเฟื้อเรา ##

klonlum header

มื้อนี้อ้ายทิดหมู มักม่วน ได้รับปี้น้อยจากสาวโรงงานทอผ้า หน้ากระท่อมน้อยฮิมมูลนี่หละ เขียนมาว่า "น้องคึดฮอดบ้านทางลาวใต้หลาย ยังบ่ทันได้มีโอกาสเมือยามบ้าน ได้ยินแต่ข่าวน้ำท่วมเขื่อนแตกทางเมืองสะนามไซ แขวงอัตตะปือ กะแห่งคึดฮอดอีแหม่หลาย ให้อ้ายทิดหมูจัดกลอนลำของ เอื้อยเมกขะหลา สะถาพอน ให้จักกลอนแหน่เด้อ พอได้คลายความคึดฮอดแหน่ ขอบใจหลายๆ" กะเลยไปค้นหาได้มากลอนหนึ่ง คือ "ลำเที่ยวสีพันดอน" แม่นคึกคักถืกใจ บ่ต้องเหงาน้อหล้านางเอย เชิญรับฟังซะลาล่า

เที่ยวสีพันดอน

ขับร้องโดย เมกขะหลา สะถาพอน

แต่งกลอน ดาวเวียง บุดนาโถ

 

         อ่ำถ่ำ แก้มอ้ายอ่ำถ่ำ อ้ายเอาเมียหมอลำ บ่ย้านลูกอ้ายก่ำบ่น้อ...อือ.. อ้าย

         เอ้อ... เออ อื้อฮือ.. ละอื้อฮือ ... เอย

         แม่นว่า สีพันดอนแดนใต้ สิไขกลอนเป็นจักหว่าง เป็นเสียงลำภาคใต้ ลำให้ทุกท่านฟัง เว้าถึงความมั่งคั่งอุดมหั่งสวยงาม สีพันดอนลือนาม ซ่าเซงซัยก้อง สมซื่อคนขานย้องสีพันดอนใต้ต่ำ งามหมู่ธรรมชาติเชื้อเครือไม้ตาดพะเพ็ง เสียงสาดดังเป้งๆ น้ำโตนตาดหลี่ผี มีมนต์ขลังเสน่ห์ฮักชักชวนไปยามยื้อ

        แม่นว่า.. อันว่าลือลือก้อง เป็นเสียงกลองก้องส่า เป็นอู่ปลาอู่เข้าอุดมด้วยหมู่ปลา มีปลาเอิน ปลาค้าว ปลาหว่า ปลาพอน สีพันดอนค้างหม้อไว้ ปลาเต้นขึ้นใส่เอง เมื่อหาปลามาได้ มีอ๋อแกง ปิ้งจี่ มีแจ่วบี แจ่วส้ม หมกต้ม ป่นปลา มีทั้งลาบและก้อย ซอยแซ่ผักพัน กินทั้งเผ็ดทั้งมันจนเหื่อไหลไคลย้อย

        ลอยลงเฮือชมพื้นอุดมดี ผู้มีค่าหลากหลายตามหล่างน้ำอุดมด้วยหมู่ดอน ดอนโขงยาวใหญ่ก้วง ลอยเด่นกลางของ ยามน้ำนองฟองเฟือนตลิ่งซันซงย้าน ดอนถาน ดอนวิมานพร้อม มีดอนเรียงเคียงคู่ อยากได้ซู้ต่างบ้านขี่เฮือข้ามล่องลอย

        ดอนกอยงามกาบเอ้ ประดับพืชแนวพันธุ์ มีพร้าวตาลแนวหวาน ม่วงมันลำไยนี่ มีทั้งดอนสรรสร้าง บักโมหวานเขาส่า ดอนนางงอย คอยหม่อมอ้ายไปเป็นซู้สู่ซม ดอนสวนพั้วดอกอ้มสมซ่าคนขาน มีดอนแอน ดอนตาล ด่านแดนคนใต้

        เอ้อ... เออ อื้อฮือ.. ละอื้อฮือ ... เอย

        แม่นว่า คายค่ำแลงลงค้อย รัตติกาลเดือนแจ่ม แนมเห็นเดือนเกลื่อนฟ้า นภาแจ้งแจ่มใส อ้ายบ่าวเลาะเล่นบ้าน เป่าปี่สีซอ เสียงออแอประสานแคน เกี้ยวสาวตามบ้าน เสียงหวานๆ ลำใต้ สีพันดอนดังหว่อน วอนหาซู้ฮักเต้ย ไปนอนลี้อยู่ไส

       ลำว่าอ้ายฮักน้อง ฮักกว่าหญิงใด สาวไทไกลบ่เคยสน ฮักแต่สาวไทบ้าน แต่ว่าเมื่อมาฮอดนี้ สีพันดอนสิลาก่อนเด้อท่านผู้ฟังเอย อยากได้แฟนหมอลำให้เด่มือมาทางพี้ ครั้นบ่ติหมอลำใต้ คนบ่งามหน้าก่ำ เชิญอ้ายมาแวะเล่นกินก้อยปลาพอน อ่อนๆ แก้มอ้ายอ่อนๆ มันสมควรพอลงสิโจ๊ไว้สาก่อน ขอลาแล้ว...

 

มาทำความรู้จักกับ เมกขะหลา สะถาพอน จักหน่อย นอกจากจะเป็นศิลปินนักร้องแล้ว ยังเป็นพิธีกรรายการโทรทัศน์ช่อง ลาวสตาร์ และมีธุรกิจนำเข้า-ส่งออกสินค้าที่ชื่อว่า บริษัท เมกขะหลาขาเข้า-ขาออก จำกัดผู้เดียว อีกด้วย

mekala satapon

เมกขะหลา สะถาพอน กับธุรกิจของเธอ

si pan don 01

มหานทีสี่พันดอน คือเกาะแก่งกลางลำน้ำโขงลาวใต้ ที่มีจำนวนมากมายเหลือคณานับเลยบอกเป็นจำนวนคร่าวๆ ว่า สี่พันดอน (เกาะ)

si pan don 02

redline

backled1

isan word tip

isangate net 345x250

ppor blog 345x250

adv 345x200 1

นโยบายความเป็นส่วนตัว Our Policy

ยินดีต้อนรับสู่ประตูอีสานบ้านเฮา เว็บไซต์ของเรา ใช้คุกกี้ (Cookies) เพื่อให้ท่านได้รับประสบการณ์การใช้งานที่ดียิ่งขึ้น อ่านนโยบายคุ้มครองข้อมูลส่วนบุคคล (Privacy Policy) และนโยบายคุกกี้ (Cookie Policy)