กลอนฟ้อนแบบต่างๆ - IsanGate : ประตูสู่อีสาน

foto1
foto1
foto1
foto1
foto1
พี่น้องที่อยู่อาศัยริมแม่น้ำใหญ่ โขง ชี มูล เตรียมตัวรับสถานการณ์น้ำท่วมเอ่อล้นขึ้นฝั่งนะครับ ขณะนี้พื้นที่ริมฝั่งโขงไล่มาจากหนองคาย บึงกาฬ นครพนม มุกดาหาร อำนาจเจริญ จนถึงอุบลราชธานี ต่างก็มีน้ำล้นตลิ่งเข้าท่วมเป็นบริเวณกว้างแล้วครับ ขอให้เตรียมขนย้ายสิ่งของมีค่าขึ้นที่สูง อพยพสัตว์เลี้ยงต่างๆ ไปยังที่ปลอดภัย เตรียมข้าวสาร อาหารแห้ง น้ำดื่ม หยูกยา ไฟฉาย และเรือพาหนะ ไว้ให้พร้อม เป็นห่วงพี่น้องสู่ผู้สู่คนเด้อครับ ขอให้ปลอดภัย...

Our Sponsor

adv200x300 1

adv200x300 2

Facebook Likebox

IsanGate Radio Online

radio online banner

Administrator

mail webmaster

My Web Site

krumontree200x75
easyhome banner
isangate net200x75

Visitors Counter

01935171
Today
Yesterday
This Week
Last Week
This Month
Last Month
All days
690
5648
18226
824907
73460
134237
1935171

Your IP: 54.196.42.8
2018-08-16 03:24
paya header

ju ju        ไผผู้เฮียนฮ่ำฮู้ วิชาปราชญ์ทางใด ก็ให้มีใจจด เผิ่งวิชาที่ตนฮู้

                 ## เรียนรู้ในศาสตร์ใดก็ให้กระจ่าง เพื่อเป็นทางสร้างชีวิตตน ##

klonlum header

ลอนประกอบการฟ้อนท่าทางต่างๆ ในอดีตนั้นมีความงดงามอ่อนช้อย มีชื่อเรียกท่าทางประกอบที่น่าสนใจมาก

กลอนฟ้อนแบบต่างๆ

ฟังเอาสาฟังเอากลอนฟ้อน
ฟ้อนจั่งซี้ฟ้อนผู้สาวลงท่งแกว่งแขนนวยนาย
ฟ้อนจั่งซี้เขาว่าทศกัณฑ์โลมนาง
ตอนนารายณ์ปราบยักษ์นนทุกข์บุกดง
การทางฟ้อนกะบ่ยากทศกัณฑ์โลมนาง
ฟ้อนจั่งซี้เขาว่าควายเถิกใหญ่ม่ายเข้าชนกัน
กูตุ๊บมึงตั๊บกูแดกมึงถู
ฟ้อนจั่งซี้เขาว่าสาวผมป่งแค้งกุ้งในหนอง
ตุ้มเบิ่งตุ้มเบิ้ดตุ้มเบิ่ง
ข้อนซิแจ้งเปิดเบิ่ง
คันสิเปรียบกับโพนหัวนากะบ่ท่อ
ฟังกลอนฟ้อนเป็นตอนตักต่ง
ฟ้อนจั่งซี้เขาว่าพระนารายณ์อวดพรหมสี่หน้า
นาคีม้วนหางตอนนี้มีคัก
นาคีม้วนหางวงยักษ์ตายอ้ากล้าก
มือลูบแก้มลูบคางหลักลบไหล่
กูดึกมึงดันกูมุบมึงมับ
หน่อยกะขี้แตกวูไล่กันลงท่ง
ฟ้อนจั่งซี้เขาว่าฟ้อนเอาบุญตีกลองกินเหล้า
มื้อเช้าเปิดเบิ่งยามเมื่อแลงเปิดเบิ่ง
เปิดเบิ่งแล้วเป็นสีโนนโนน
ฟ้อนจั่งซี้ฟ้อนหลีกแม่เถ้าขอที่ขอทาง

fon morlum klon

ให้กะบาทไปแหน่ลูกเขยไปแหน่เอาไม้ไปแหย่หีนำ
เฮ็ดมือสีห่างๆ ฟาดลงทางเป
ฟ้อนจั่งซี้เขาว่าคนขาแหย่งเล่นบุญบั้งไฟ
บ่จักฆ้องจักแส่งแหย่งแยะนำกัน
ฟ้อนจั่งซี้งมปลาในน้ำ
ฟ้อนจั่งซี้ฟ้อนลิงหลอกเจ้า
ฟ้อนจั่งซี้ฟ้อนคนสักสุ่ม
ฟ้อนจั่งซี้ฟ้อนเหยียบสักกะลันผู้สาวตำเข้า
ปากกะจ่มไปนำมุบมู้มุบมับ
หมอแคนบาทหนึ่ง หมอสอยบาทหนึ่ง ผู้ฟังบาทหนึ่ง
ฟ้อนจั่งซี้ฟ้อนแฮ้งมันเสิ่นเหลียวหาแนวกิน
หน่อยกะเหลียวเห็นไก่แส่ววับไปสา
ฟ้อนแบบนี้เขาว่าฟ้อนตาขำตีงัวแม่ด่าง
บาดห่างงัวมันเต๋มือแหวแป่งแส่ง
กลองกะตีลงไปแป๊ดแป่งแป๊ดแป่ง
ฟ้อนจั่งซี้เกี่ยวข้าวในนา
ฟ้อนจั่งซี้ข้วมน้ำย้านปลิง
ฟ้อนจั่งซี้นกเจ่าบินวน
ฟ้อนจั่งซี้เกาตุ่มบักหอยคัน
ฟ้อนจั่งซี้ผู้เถ้านั่งฟังธรรม
ฟ้อนจั่งซี้ฟ้อนนับเงินตรา
ฟ้อนจั่งซี้ฟ้อนกามันเวิ่น
ฟ้อนจั่งซี้ฟ้อนแหลวมันบินควักไว่ควักไว่
ฟ้อนจั่งซี้ฟ้อนถวายเทวดาเล่นปรางค์เล่นข่วง

 fon morlum klon 2

เฮ็ดทำทรงคือป่วงทำท่าถวายแถน
ฉิ่งน้อยสับลงแหน่กั๊กเหล้าลงไป
ฮือมึงต้องอี่ตู้จังไร
ฮืออีตู้ดากเมือกฮ่องฮ่องคลองคลอง
ฮืดมึงฮ่องอีตู้ดังแข็ง
ฟ้อนจั่งซี้จ้อท่าตีมวย
แม่เถ้าอยุ่บ้านหลานน้อยค่อยไกว
แม่ไปไฮ่หมกไข่มาหา
แม่เลี้ยงม้อนในป่าสวนมอน
อ้ายคำเป่งขี่ม้าแม่หมัน
ขี่หมานิลก่านปล้อง
อือ อือ อือ อือ อือ อือ อือ
เหลียวเบิ่งแมงย่างซิ้นหัวยุ้มใส่หลาน
บ่จักบี่จักแคนแงบแหงแงบแง่
ฟ้อนจั่งซี้เขาว่าลุงทิดใสไถนาหนองม้อง
มือขวาจับไถมือซ้ายจับเชือก
ควายอีตู้เขางองหลังขดก่องจ่อง
อีตู้ดันเบิดแฮงดากตูนพ้อว้อ
ฟ้อนจั่งซี้ฟ้อนไกวจับอู่
นอนสาเด้อหลับตาสาเด่อ
แม่ไปนาหมกปลามาป้อน
โอ้นซาหลูไขบักตูเอาอ้ายคำเป่ง
ไปบ่ทันม้าดีด ขี่นกบีดพาบิน
ขี่พี่น้องท้องไข่อ่องล่อง
แม่เถ้าสิงหลานน้อยลืมฟอยผ้ากะเตี่ยว
ซั่นแล้วนา แม่เถ้าเอ้ย ฯลฯ
 
กลอนลำโดย : หมอลำเปลี่ยน วิมลสุข บ้านยางน้อย ตำบลละทาย อำเภอกันทรารมย์ จังหวัดศรีสะเกษ  

redline

backled1

 

สนับสนุนให้ IsanGate อยู่รับใช้ท่านตลอดไป ด้วยการคลิกแบนเนอร์ไปเยี่ยมผู้สนับสนุนของเราด้วยครับ

isan word tip

isangate net 345x250

ppor blog 345x250

adv 345x200 1