foto1
foto1
foto1
foto1
foto1
ช่วงนี้ เศร้า หดหู่ วิตกกังวล สมองไม่แล่นจนไม่อยากเขียนบทความใดๆ เลยครับ สถานการณ์โรคระบาดจากพยาธิโควิดครั้งนี้รุนแรงมาก คนติดกันเยอะ ตายกันแยะเป็นใบไม้ร่วง แต่ก็ยังมีพวกที่เอาแต่สนุก เย้วๆ ไม่กลัวตาย ไม่กลัวการระบาด ไปมั่วสุมทั้งในแหล่งการพนัน โบก ไพ่ ไฮโล สนุกเกอร์ ตลอดจนการกินดื่มร่วมกันแบบไม่ระวังตัว จนระบาดกลายเป็นคลัสเตอร์ใหม่ สงสารคนเฒ่าคนแก่อยู่บ้านที่พลอยติดไปกับลูกหลานขี้ดื้อหลายเด้อพี่น้อง เป็นตาซังแท้สู 🙏🙏🙏😁

: Our Sponsor ::

adv200x300 2

No. of Page View

paya supasit

ju juเก้าสิฆ่าสิบสิฆ่าให้เอาแก่นคะยูงตี อย่าได้เอาบาลีต่อยตีตางฆ้อน

        ## จะฆ่าให้ตายก็ฟาดด้วยไม้เนื้อแข็ง อย่าตีด้วยธรรมะความรู้เลย @ธรรมะร่มเย็น ##

klonlum header

ลำสาวนักศึกษา

ประพันธ์กลอนลำ - เพชร น้ำหมาก

 sao nak sueksa

             เอาล่ะใหม่ๆ แก้มเจ้าใหม่ๆ พวกผู้สาวเพิ่นใส่หลอกล่อสายตา
    เลยหัวเข่าขึ้นมาโตกะสิบ่ปาก อันนี้เห็นฮอดฮิมดากเป็นตาหน่ายพาโล
    อยากมีเงินเด้โตจ้างให้เลาฮื้อขึ้นอีก ส่งดีๆ กะจีกให้เขาเห็นใต้ห่อง
    เหลียวเบิ่งฮูจ่องป่องดำปานหมื่อเจีย ว่าแม่นล่องน้ำเสียตี่แล้วล่องดาก
    เห็นบ่อึดบ่อยากแถวเขตมหาลัย

            ไผกะว่าไผไค ไผเลิศงามหลาย ตากะใส่บิ๊กอายปัดแก้มแดงโฮนๆ
    นมกะฉีดซิลิโคนให้มันกลมมันใหญ่ ส่วนว่าดังนิกะเสริมใส่ให้มันโด่งคือกัน
    ส่วนว่าฟันนี้กะเอาเหล็กมาครอบ จะแม่นอีผีปอบเราเลิศเรางาม
    เฮ็ดจั่งใด๋ อ้ายนิน้ออยากให้เจ้าถามคุณหมอคุณแพทย์ เฮ็ดจั่งใด๋หน่อแตดมันจั่งสิเซาดำ
    อันนี้พี่หมอลำแนะนำอีกอย่าง เฮ็ดบ่เฮ็ดกะซ่างคันเฮ็ดกะดี เฮ็ดสาเด้อนางเอ้ย
    เฮ็ดโตหอสระอีให้มันเกลี้ยงจักหน่อย ให้มันขาวจักนอยแหน่เด้อน้อง...

              ละขี้ค้านโอ่ บ่ต้องโอ่แม่มันล่ะน้อ... ​ละบักปรีชาน้อขี้คร้านลุกไปเรียนเอย...

              ละบ่แม่นบ่ว่าเด้อนาย ฟังเด้อเจ้าคนไทยยุคใหม่ ฟังเด้อเจ้าคนไทยยุคใหม่
    ตกสมัยสุมื้อขีดคิ้วเขียนตา ใต้หว่างขามาบ่เขียนอีกแน่
    ขอเงินแม่ว่าไปเฮ็ดรายงาน หน้าสงสารแต่ผู้หาเงินให้
    เบิ่งเพิ่นใช้ปานมีโรงพิมพ์ ซื้อแป้งครีมไปทาอวดผู้บ่าว
   ได้ยินข่าวว่ามีหมอลำ ข้าวบ่กินจักคำฟ้าวโทรหาหมู่
   ไปเต้นเป็นคู่เต้นแฮ่งเต้นกา กินสุราปานน้ำล้นท่ง

              แก้มโอ่งโตงเพิ่นสะแตกเหล้าขาว ใหญ่เป็นสาวนมฮาวบักฟัก
    จักแต่มักผู้ช่อยลำชาย บ่จักแลงจักงาย อีผีดึงรากแก่
    ใหญ่มาแน่กะอยากเรียนมหาลัย กะเลยไปนำพวกนำหมู่
    อยู่เป็นคู่ปานเป็นผัวเมีย ซื้อเหล้าเบียร์ยามขอเงินแม่
    กินตั้งแต่อาหารไฮโซ สิสบโปๆ เพิ่นทาลิฟสติก คือบักพริกย้อมผมสีแดง
    หลงสีแสงลืมฮอดบ้านอยู่ เว้านำหมู่เว้าภาษากลาง ย่างนำทางปานย่างประกวด
    นึ่งข้าวใส่หวดข่อยกะกินบ่เป็น ปลาแดกมันเหม็นข่อยกินบ่ได้

             โทรศัพท์เพิ่นกะใช้รุ่นใหม่ไอฟอกไอโฟน บ่ทันดนกะจกออกมาเขี่ย
    ว่าบ่เชื่อไห่พากันซอมเอา ฮอดวันเสาร์นอนเพลกะบ่ตื่น
    ยามกลางคืนอยู่จนดึกจนดื่น หาเล่นนำบาร์ เลิกเรียนนอนเล่นเฟสบุ๊ค
    บีท็อกเล่นไลน์ นัดผู้ชายมาห้องกะบ่ซ้ำ แก้มอ่ำถั่มผู้ใส่ทรงเขิน
    เดินสบแดงแต่งทรงคืองิ้ว คาเขียนคิ้วเกือบเป็นชั่วโมง เขาเรียนแปดโมงโตไปสามโมงเคิ่ง ​

            ชีวิตของนักศึกษา ชีวิตของนักศึกษา ตื่นขึ้นมาแต่งโป๊โชว์กาย
    ผู้หญิงนี้เป็นเป้าของชาย ผู้หญิงนี้เป็นเป้าของชาย ถึงจะไปเรียนสายข่อยต้องสวยไว้ก่อน
    มื้อคืนข่อยกะมัวแต่ถอน เมาอยู่โฟล์ค นคร อกหักช้ำใจ
    ผู้ชายนี้มีมากหนักหนา ผู้ชายนี้มีมากหนักหนา ถ้าหากมันป๋าข่อยสิหาเอาใหม่
    จะไปง้อไปแคร์ทำไม จะไปง้อไปแคร์ทำไม ก็หาเอาใหม่สิผู้ชายมากมี ​
    สิโตนเด้มาสิโตนเจ้าเด สิโตนเด้มาสิโตนเจ้าเด สิโตนคนอยู่บ้านเอาเงินให้ส่งมา
    ลูกนี้หนาหาเที่ยวนำบาร์ พ่อไถนาจนเหงื่อไหลรินย้อย เทิ่งตัดอ้อยขุดมันเลี้ยงส่ง
    ลูกมาเรียนอยู่พี้เทียวสี้แต่กัน แต่กัน เทียวสี้แต่กัน

 

 

redline

backled1

Loading...

isan word tip

isangate net 345x250

ppor blog 345x250

adv 345x200 1

นโยบายความเป็นส่วนตัว Our Policy

ยินดีต้อนรับสู่ประตูอีสานบ้านเฮา เว็บไซต์ของเรา ใช้คุกกี้ (Cookies) เพื่อให้ท่านได้รับประสบการณ์การใช้งานที่ดียิ่งขึ้น อ่านนโยบายคุ้มครองข้อมูลส่วนบุคคล (Privacy Policy) และนโยบายคุกกี้ (Cookie Policy)