ช่วงนี้อากาศแปรปรวนนะครับ ฤดูหนาวแต่ร้อน และมีฝนตกกระจายทั่วประเทศเลยทีเดียว และตอนนี้ก็ฤดูเก็บเกี่ยวของชาวนาซึ่งไม่ได้เก็บเกี่ยวด้วยมือแบบดั้งเดิมแล้ว แต่หันมาใช้รถเกี่ยวข้าวแทนซึ่งทำได้รวดเร็วกว่ามากๆ แต่ก็มีปัญหาตามมาคือข้าวเปลือกมันยังไม่แห้งเก็บเข้ายุ้งฉางไม่ได้ ต้องมีการตากแดดให้แห้งก่อนสัก 2-3 วัน พอมีฝนมาแบบนี้ก็แย่เลย บางรายก็เอาไปตากบนถนนหนทางซึ่งอันตรายมากๆ อย่าหาทำเด้อพี่น้อง มันผิดกฎหมาย...😭🙏😁
: Information & News ::
: Isan Thailand ::
: Isan Words ::
: Dhamma ::
: Art & Culture ::
: Our Sponsor ::
: Facebook Likebox ::
: Administrator ::
: My Web Site ::
 |
 |
 |
 |
No. of Page View
|
|
ภาษิตโบราณอีสานนี้บางส่วนจะปรากฏอยู่ในคำผญา แต่มีบางส่วนจะเป็นคำกลอนหรือข้อความสั้นๆ ที่มีความหมายให้ได้คิด จึงได้แยกออกมาอีกต่างหาก โดยแยกเป็นกลุ่มๆ ตามความหมายที่กล่าวถึงดังนี้
- หมวดปัญญา, หมวดการศึกษา, หมวดบุญบาป, หมวดคบหา
- หมวดกิน, หมวดทุกข์สุข, หมวดตน
- หมวดคน, หมวดการงาน, หมวดความประมาทและไม่ประมาท
- หมวดเบ็ดเตล็ด
หมวดเบ็ดเตล็ด
- ตีเหล็กต่อหน้าช่าง (ป.)
- ตีนช้างเหยียบปากนก (ป.)
- โตบ่ตายยังคำพันหนึ่ง (ป.)
- เต่าบ่ไปเอาไฟจูดก้น (ป.)
- เต๋เหล่งเต่ง เต็งหลายไค่ท้อง เต็งน้อยไค่นม (บ.)
- ถี่ลอดตาช้าง ห่างลอดตาเม็น หรือว่า ถี่กัดจัดขี้ช้างกะลอด ห่างก่างจ่างขี้มอดกะคา (ป.)
- เถ้าแต่แข้ว บักแอวยังหนุ่ม (บ.)
- ถิ้มค้อนกลายหมากม่วง (ป.)
- ถากไม้บ่มีเหลี่ยมเค้า แสนสิเกลี้ยงกะบ่งาม (ป.)
- เถ้าแล้วอยากขบหนัง หัวใจยังอยากชมสาวส่ำน้อย (บ.)
- ทำอันใด ใส่ใจอันนั้น (ป.)
- เทิงหลายเพิ่นเอาของดีมาอาด โตเอาของบาดมาปัว (ป.)
- ทันควายทันเมื่อขี้ ทันหนี้ทันเมื่อคาม (ป.)
- ทิดแฮ่งฮาน จารย์แฮ่งฮ้าย คนตายไคแน่ (ป.)
- ทางไปสวรรค์มันฮก ทางไปนฮกมันแปน (บ.)
- เทียวทางบ่สุดเส้นอย่าถอยหลังให้เขาเหยียบ ตายขอให้ตายหน้าพุ้น เขาจั่งย้องว่าหาญ (ป.)
- ทุกข์ซากมี กินกีซากพ้อ พ้อว้อซากเห็น (ป.)
- ทำดีไว้ให้ลูก ทำถูกไว้ให้หลาน (บ.)
- นาดีถามหาเข้าปลูก ลูกดีถามหาพ่อแม่ (ป.)
- นอนบ่หลับให้ไปเที่ยว มีเสี่ยวให้ไปยาม (ป.)
- นอนคว่ำให้เบิ่งเชือกควาย นอนหงายให้เบิ่งไพหญ้า (ป.)
- น้ำเย็นปลาข้อน น้ำฮ้อนปลาพ่าย (ป.)
- นาสองเหมือง เมืองสองเจ้า ย้าวสองเขยคะลำ (ป.)
- นุ่งผ้าลายหมาเห่า ค้นความเก่าผิดกัน (ป.)
- น้ำย้อยหอยไต่ (ป.)
- น้ำได้ฮู ปูได้ฮอย (ป.)
- แนวมันมีหมากเขือหำม้า บ่มีผู้กล้ามันเกิดมาเอง (ป.)
- นอนสูงให้นอนคว่ำ นอนต่ำให้นอนหงาย (ป.)
- นายว่า ขี้ข้าตาม (ป.)
- น้ำขึ้น บัวลอย (ป.)
- น้ำเต้าแตกสายยัง (บ.)
- นอนหลับบ่ฮู้ นอนคู้บ่ฝัน (ป.)
- น้อยหมากพริกขี้หนู (ป.)
- นกลึ้งเผียก โค็ยเสียกลึ้งผ้า (ป.)
- นกถืกแฮ้วดิ้นแต่ตำอิด เหิงนานมาหย่อนขาอ้อยช้อย บ่ว่าโตน้อยโตใหญ่คือกัน (ป.)
- แนวนามอ้อลมมาบ่ห่อนโค่น เพราะว่ามันบ่ตั้งขันสู้ต่อลม (บ.)
- น้ำเต้าเปล่ามันดัง (ป.)
- น้ำขุ่นไว้ใน น้ำใสไว้นอก (ป.)
- น้ำเลิ๊กกว้างเฮาหยั่งกะยังเถิง หัวใจตนบ่หยั่งถองเถิงได้ (บ.)
- บ่ทันเห็นหี เสียกโค็ยไว้ถ้า (ป.)
- บ่มีฝอยหมาบ่ห่อนขี้ บ่เป็นหนี้เขาบ่ห่อนถาม (ป.)
- บ่มีเมียบ่อึดลูกใช้ บ่มีไม้บ่อึดเฮือนนอน (ป.)
- บ่มีความฮู้อย่าเว้าการเมือง บ่นุ่งผ้าเหลืองอย่าเว้าการวัด (ป.)
- บักบาปใส่กกโพธิ์ (ป.)
- บ้านใกล้บ่ออึดเกลือ ไปทางเฮืออึดน้ำ (ป.)
- บ้านใกล้ป่าได้อยู่เฮือนเพ บ้านใกล้เซบ่ได้กินปลาแดก (ป.)
- บ่อนเข็ดให้ยำ บ่อนคะลำให้ย้าน (ป.)
- บอกไปไฮ่ว่าเจ็บตา บอกไปนาว่าเจ็บท้อง บอกเข้าห้องก่องแก่งปานลิง (บ.)
- บ้านแตก แซกขาด (ป.)
- บ่อยากล้มขอนหั้งมาพลิก บ่อยากหยิกแม่มือพาเน้น (ป.)
- บุญสอนบ่ท่อบุญเกิด (ป.)
- บ้านสูญเศร้ามีเถ้าหลายคน (ป.)
- เบิ่งผ้าให้เบิ่งชาย เบิ่งลายให้เบิ่งลวด (ป.)
- บายแม่นแล่นหนี บายผิดติดมือ (ป.)
- บาปอยู่นำผู้ทำ กรรมอยู่นำผู้สร้าง (ป.)
- บ่ทุกข์บ่ยาก บ่อึดบ่อยาก (ป.)
- เป็นข้าให้เป็นข้าอาชญา เป็นหมาให้เป็นหมาวัด (ป.)
- ปลูกเฮือนได้ชานพร้อม (ป.)
- ปล้ำไม้คะโมะลม (บ.)
- ปลูกเฮือนอย่าใกล้กว้าน ปลูกฮ้านอย่าให้ใกล้หนทาง บ่อนเข็ดขวางอย่าได้ไปต้อง (ป.)
- ไปให้ลา มาให้คอบ (ป.)
- ปลาโตเดียวเน่าคับข้อง (ป.)
- ป่าเพิ่งเสือ เฮือเพิ่งพาย นายเพิ่งบ่าว เจ้าเพิ่งข้อย (ป.)
- ปลูกเฮือนผิดคิดจนเฮือนวาย เอาเมียผิดคิดจนเมียตาย (ป.)
- ปลาชมน้ำใหม่ (ป.)
- ปลูกไม้ให้เป็นดง ปลูกบงให้เป็นเหล่า (ป.)
- ปลูกเฮือนตามใจผู้อยู่ ผูกอู่ตามใจผู้นอน (ป.)
- ป่อมบ่เถิงส้าง (ป.)
- เป็นนายให้ฮักไพร่ เป็นใหญ่ให้ฮักหมู่ เป็นปู่ให้ฮักหลาน เป็นกวานให้ฮักลูกบ้าน ขี้คร้านให้ค่อยเพียรจา อยากกินปลาให้เพียรหาของฝาก อยากกะอย่าชุอยากหลาย (ป.)
- ปล่อยเอี่ยนลงตม (ป.)
- ปากก่อนกวาน ขานก่อนเจ้า คะลำ (ป.)
- ปากหวานก้นส้ม หัวใจขมเว้าม่วน (บ.)
- เป็นคนให้เขาใช้ เป็นไม้ให้เขาฟัน (ป.)
- ปลาออกแหปลาโตใหญ่ ไม้อยู่ไฮ่ไม้ลำงาม (ป.)
- ป้อมแป้มหมากหัวลิง ใผชิงได้ชิงขบชิงกิน (ป.)
- ไปให้ช่าง ย่างให้งาม (ป.)
- ไปค้ากำปั้น (บ.)
- เป็นนายเขาว่า เป็นจ่าเขาชัง (ป.)
- ปากเกลี้ยงเว้าเป็น หีเหม็นเว้าม่วน (ป.)
- ปากพ้นตัว หัวพ้นเพื่อน (ป.)
- เปิดความหนีไปลี้ เปิดขี้บ่อยากเห็น (ป.)
- ปาดเล็บมือคุงชิ้น (ป.)
- เป็นทิตเป็นจารย์ ปากหวานดั่งน้ำอ้อย โค็ยน้อยท่อโค็ยลิง (บ.)
- เป็นขุนนางมีไพร่อ้อมข้าง อย่าอวดอ้างยอโต (ป.)
- เป็นผู้สูงให้หลิงเห็นตำ (ป.)
- เป็นตาเว้าหากบ่เป็นตาเว้า อยู่นี่คืออยู่พุ้น (ป.)
- เป็นหลวงเพิ่นกะป้อย เป็นน้อยเพิ่นกะซัง (บ.)
- ผ้าฮ้ายห่อคำ (ป.)
- ผู้หญิงหน้าพระใจหมา ผู้ชายหน้าหมาใจพระ (ป.)
- ผู้เถ้ากล่าวคำหาญ ปูมหลวงบอกยาป้าง แม่ฮ้างบอกยาเสน่ห์ คนโลเลสั่งสอนชาวบ้าน (ป.)
- ผู้ขาหักจาไล่จับช้าง ขี้แพ้อ้างกล่าวคำหาญ (ป.)
- ผีเฮือนบ่ดี ผีป่าแซก (ป.)
- ผีแลกหน้า พร้าแลกคม (ป.)
- ผู้ดีย่างช้า ขี้ข้าย่างไว (ป.)
- ผู้เถ้าปวดชู้ เอ็นคะน่องขดโข (บ.)
- ผู้ใหญ่ไม้สูง (ป.)
- ผู้สาวลูบเกล้า ผู้เถ้าลูบตา (ป.)
- เผื่อเหนือตกใต้ไหลลงมากะพอแม่น พร้าอีโต้บ่เข้าให้ฟันเจิ้มแต่ไกล (ป.)
- ใผสิมาแปลงสร้างฮวงฮังให้หนูอยู่ คันปากบ่กัดตีนบ่ทื้นสังสิได้อยู่ฮู (บ.)
- ใผว่าเมืองอุบลฮ้างสิจูงแขนไปเบิ่ง กกไผ่ยังสวยลวย ป่ากล้วยยังซ้ายล้าย ผู้ชายยังเต็มบ้าน สิไปฮ้างบ่อนใด (บ.)
- ผัวเมียฮ้ายยามเดียวเป็นเพิ่น พี่น้องฮ้ายคือขี้บ่เหม็น (ป.)
- ผูกควายใส่หีนลาด เคราบ่ขาดควายกะตาย (ป.)
- โผดเต่าให้เถิงหนอง (ป.)
- ผมบ่หลายให้ตื่มซ้อง พี่น้องบ่หลายให้ตื่มเสี่ยวตื่มเกลอ (ป.)
- ผัวเมียนี้กูมึงอย่าได้ว่า ให้เอิ้นข้อยแลเจ้าผองเท้าชั่วชีวัง (ป.)
- ใผบ่เห็นภายในว่าดีกุมย้อง (ป.)
- ผัวเพิ่นยังอย่าขันเป้นชู้ ชู้เขี่ยข้างพันชั้นอย่าเหลียว (ป.)
- ผูกเคราจำหลัก (ป.)
- ใผกินปูนมันฮ้อนท้อง (ป.)
- ผีปั้นหลุดมือ (บ.)
- ฝนสิตกอย่าเชื่อดาว มีลูกสาวอย่าเชื่อใจ บาดเขาตอกดากแป้นอัดปากกะบ่ปาน (ป.)
- ผิงไฟฮ้อนหน้าแค่ง ปากแหว่งฮ้อนฮูดัง (บ.)
- ฝนสิตกฟ้าแจ้ง ฝนสิแล้งฟ้ามืด ซิ่นสิปืดมันเขิน โค็ยสิเพลินมันก่ง หญ้าสิป่งมันเขียว หีสิเคียวมันจื้น (ป.)
- ฝาเฮือนบังหน้า อย่าไปจาความต่าง (บ.)
- ฝังดินไว้บ่มีคนมาจอบ คึดว่าความลับลี้ บ่หนีพ้นหมู่คน (บ.)
- พระเห็นกันอ้างพรรษา หมาเห็นกันอ้างแข้ว คนเห็นกันถามข่าว (ป.)
- พาโลนี้พางานสอนยาก เป็นดั่งไม้ท่อนฮ้านตีขี้ใส่โต (ป.)
- เพิ่นซังโตให้เทียวไปเว้า เพิ่นซังโตอย่าโงซังตอบ (ป.)
- เพิ่นหามหมูอย่าเอาคานไปสอด (ป.)
- พร้าดีแพ้กั่น คนหมั่นแพ้แฮง คานแข็งแพ้บ่า ป้อยห่าแพ้ของ หัวหยองแพ้หวี สาวผู้ดีแพ้หีเจ้าของ (ป.)
หมวดปัญญา, หมวดการศึกษา, หมวดบุญบาป, หมวดคบหา | หมวดกิน, หมวดทุกข์สุข, หมวดตน
หมวดคน, หมวดการงาน, หมวดความประมาทและไม่ประมาท | หมวดเบ็ดเตล็ด
หมวดคน, หมวดการงาน, หมวดความประมาทและไม่ประมาท | หมวดเบ็ดเตล็ด
ภาษิตโบราณอีสานนี้บางส่วนจะปรากฏอยู่ในคำผญา แต่มีบางส่วนจะเป็นคำกลอนหรือข้อความสั้นๆ ที่มีความหมายให้ได้คิด จึงได้แยกออกมาอีกต่างหาก โดยแยกเป็นกลุ่มๆ ตามความหมายที่กล่าวถึงดังนี้
- หมวดปัญญา, หมวดการศึกษา, หมวดบุญบาป, หมวดคบหา
- หมวดกิน, หมวดทุกข์สุข, หมวดตน
- หมวดคน, หมวดการงาน, หมวดความประมาทและไม่ประมาท
- หมวดเบ็ดเตล็ด
หมวดเบ็ดเตล็ด
- กล้าหลายมันบ่าน (ป.)
- เกาถืกบ่อนคัน (ป.)
- ไก่ขันบ่แม่นยามเกิดอุบาทว์ (ป.)
- ไก่สามเดือนพอฆ่า ม้าสามปีพอขี่ (ป.)
- ใกล้ไฟมันฮ้อน ใกล้ค้อนมันเจ็บ (ป.)
- เกี่ยวหญ้ามุงท่ง ตำแจ่วโฮยแม่น้ำ (ป.)
- แก่ไม้ทางปลาย (ป.)
- แก่นกเค้า เถ้านกถัว (บ.)
- กูหากกู้ กูหากกางกู กูกางกู บ่มีผู้กู้ (ป.)
- ข้าสิบครัวใช้กินให้แหลก แขกขึ้นเฮือนเอาไม้กวาดลงล่าง กะต่าห่างงุมไว้ให้ถี่ วอกสิหนีให้ผูกวอกไว้ ลิงสิหนีให้ผูกลิงไว้ ผูกได้แล้วให้ไปไหว้สัพพัญญู แม่นว่าเฮียนพันครูก็ดั่งเดียวกันนั้น (ป.)
- ข้อนผู้ยัง ขังผู้อยู่ (ป.)
- ขาหน้าบ่ท่อขาหลัง (ป.)
- ขี้ก้อนใหญ่หมาบ่อยาก (ป.)
- ขี้คันคากจาแบกขอนยาง (ป.)
- ขี้บ่แก้งก้น (ป.)
- เข้าหนี้นา ปลาหนีน้ำ (ป.)
- เข้าป่ายามค่ำ (ป.)
- ของดีมีค่า ยาดีมีคุณ (ป.)
- ข่าวช้างหนี ข่าวหีแล่น (ป.)
- เข้าป่าอย่าเสียเหมือง เข้าเมืองอย่าเสียขุน (ป.)
- ข้าลักหนี ชีลักบวช (ป.)
- ขายของให้พี่น้อง ขายฆ้องให้เจ้าหัว (ป.)
- ขัดน้ำบ่ได้กิน ขัดดินบ่ได้อยู่ ขัดหมู่บ่ได้ไปนำ (ป.)
- เข้าเต็มเล้านั่งเว้ากะคือ เงินเต็มถงเว้าตรงกะได้
- เข้าเพิ่นขาวลูกสาวเพิ่นแพง แกงเพิ่นแซบปลาแดกเพิ่นนัว ผัวเพิ่นดีคอบเมียเพิ่นช่าง (ป.)
- เข้าอยู่ลานดูน้อย ปลาอยู่ฮ้อยดูหลาย หีนอนหงายดูสวด (บ.)
- แข้เหลือหนอง (ป.)
- คนจนไข้สามปีบ่ฮู้เมื่อ คนฮั่งไข้สามมื้อฮู้ทั่วเมือง (บ.)
- คุณพ่อท่อภูเขากล้า คุณแม่ท่อฟ้ากับแผ่นดิน (ป.)
- ควายเข้าสวนเอาโตเฮื้อ (ป.)
- ควายบาดแหกา หมาบาดแหแมงวัน (ป.)
- ควายย้ายไปหาบวก บวกบ่ย้ายไปหาควาย (ป.)
- ควายเถ้ามักหญ้าอ่อน (ป.)
- ควายชนกันแพ้หญ้าแพด แดดออกแพ้ภูเขา (ป.)
- ความฮู้ท่วมหัวเอาตัวบ่รอด (ป.)
- ความตายนี้แขวนคอทุกบาดย่าง ใผกะแขวนอ้อนต้อนเสมอด้ามดั่งกัน (ป.)
- ความบ่มีหาใส่ ไม้บ่ใหญ่หาอืบหาแถม (ป.)
- ความลับบ่ให้เถิงสาม ความงามบ่ให้เถิงสี่ ความมิดมี่บ่ให้เถิงห้าเถิงหก (ป.)
- ความดีฝังไว้เก้าศอก ความชั่วชักออกเก้าวา (ป.)
- ความฮู้น้อยอย่าผ่านการเมือง (ป.)
- ความแล้ว แฮ้วลั่น (ป.)
- เคร่งหลายมันขาด ยานหลายมันข้อง (บ.)
- คบเด็กน้อยเล่นการบ้าน คบหัวล้านเล่นการเมือง (ป.)
- คันได้ลงมือแมว บ่ห่อนหนูหนีม้ม (ป.)
- โค็ยเสียกลึ้งผ้า (ป.)
- โค็ยบ่ว่าพี่ว่าน้อง ท้องบ่ว่าอึดว่าอยาก หน้าผากบ่ว่าฮ้อนว่าหนาว (ป.)
- คูคันนา ซาคันคาก (ป.)
- เงินหัวขวัญเจ้า เข้าหัวขวัญหมา (ป.)
- เงินคำแก้วหามาทางบ่แม่น แม่นสิก่อธาตุหุ้มกวมไว้กะบ่ยัง (บ.)
- งามแต่เข้าเฮ็ดนาแคมเหมือง งามแต่เมืองมีเจ้าผู้หนึ่ง (บ.)
- ไง้ขอนหาขี้เข็บ (ป.)
- จับให้หมั้น คั้นให้ตาย (ป.)
- เจ้านายบ่แม่นพ่อแม่ หินแฮ่บ่แม่นแก้วแม่นแหวน (ป.)
- เจ้านายดีบ่เห็นแก่เงินแสนไถ้ แต่เห็นแก่ไพร่แสนเมือง (บ.)
- ใจหนักได้กินเข้า ใจเบาได้กินกลอยหัวใหญ่ (ป.)
- ใจฮ้ายเป็นผี ใจดีเป็นพระเจ้า (ป.)
- เจ็ดมื้อเลี้ยงลูก มื้อแปดปลูกโพธิ์ (ป.)
- เจียมผีเถ้า เจียมเจ้ายืน (ป.)
- แจงแวงน้ำทาวหาบ่เห็นต่อน ซดแต่น้ำคาแข่วแสม่งตาย (ป.)
- สิถิ้มกะเสียดาย สิบายกะขี้เดียด (ป.)
- สิเอาผัวเอาเมียให้ถามสี่แจ่งแจบ้าน สิต้านชู้ให้ถามสี่แจ่งแจเมือง (ป.)
- ชี้นกเทิงปลายไม้ (ป.)
- เชื้อหมากต้องบ่ห่อนหล่นไกลกก แนวผมดกบ่ห่อนเป็นหัวล้าน (ป.)
- เชื้อชาติช้างหางยาวสนุกแกว่ง เชื้อไก่กุ้มหางก้อมแกว่งบ่คือ (ป.)
- เชือกขาดบ่อนกิ่ว (ป.)
- เชื่อใจปากมันยากพี่น้อง เชื่อใจท้องมันแก่มถงเงิน (ป.)
- ชื่อท่อช้าง ฮ่างท่อแมว
- ชิ้นน้อยแปดหลายเขียง (ป.)
- ช้าเป็นการ นานเป็นคุณ (ป.)
- ช้างดีอยู่งา ปลาดีอยู่เนื้อ เสือดีอยู่ชื่อ (ป.)
- ช้างสิตายท่าวเครือ เสือสิตายท่าวเหล่า (ป.)
- เชื้อชาติแฮงเหม็นสาบกันเอง ปูต่อปูสอนกันให้เดินตรงห่อนรือสิทำได้ (ป.)
- เชื้อหมากส้มบ่ห่อนหวาน เชื้อแม่มานบ่ห่อนท้องน้อย (บ.)
- ชาติที่อ้อยหากตกปากช้างสารแล้วบ่ห่อนคาย (ป.)
- ชาติที่แนวเสียมเหี้ยนเฝือนหาแต่ดินแก่น เสียมบ้องตื้นหวังทื้นแต่โพน (บ.)
- ชู้ใผแม่นตา หลาใผแม่นมือ (ป.)
- ซ้ำเช้าพี ซ้ำหีจ่อย (ป.)
- ไซใส่ใต้หลังหล้าบ่หมาน ถืกกะใส่ไว้บ่ถืกกะใส่ไว้ตามแต่กะเยิมปลา (ป.)
- ญิงงามแพ้หี งัวพีแพ้บ่า (ป.)
- ญิงปองดาย ชายปองได้ (ป.)
- ได้เต่าลืมหมา (ป.)
- ได้อย่าย้าม บ่ได้อย่าหลาบ (ป.)
- ได้บ่เสียบ่มีบ่อนไว้ กินบ่ใช้เป็นหนี้เท่าตาย (ป.)
- แดดออก หมอกวาย (ป.)
- ตกไม้ตกเสีย ตกเมียตกได้ (ป.)
- ตกขั้นไดติโตน ตกโพนติล้ม (ป.)
- ตดอ่อยหมา (ป.)
- ตัดหวายอย่าไว้หน่อ ฆ่าพ่ออย่าไว้ลูก (ป.)
- ต้นไม้ใบดกนกแกว่น (ป.)
- ต่อหน้าเป็นหมากพลับ ลับหลังเป็นหมากโก (ป.)
- ตั้งเตาบ่อนใด เปลืองถ่านบ่อนหั้น (ป.)
- ตาบอดขี้ถืกปล่อง ตาดีขี้ฮาด (ป.)
- ตาดีได้ ตาใบ้เสีย (ป.)
- ตาบอดเว้าดู๋ ผีถูเว้ายาก (ป.)
- ตาบอดเว้าเฝือน ตาเบือนเว้ายาก (ป.)
- ตายเป็นผี หนีเป็นเพิ่น (ป.)
- ตายให้ฝัง ยังให้เลี้ยง ตายให้ฝากผี ดีให้ฝากไข้ (ป.)
- ตีหัวปลา สะเทือนหัวนาค (ป.)
- ตีหลบทบได้ (ป.)
หมวดปัญญา, หมวดการศึกษา, หมวดบุญบาป, หมวดคบหา | หมวดกิน, หมวดทุกข์สุข, หมวดตน
หมวดคน, หมวดการงาน, หมวดความประมาทและไม่ประมาท | หมวดเบ็ดเตล็ด
หมวดคน, หมวดการงาน, หมวดความประมาทและไม่ประมาท | หมวดเบ็ดเตล็ด
ภาษิตโบราณอีสานนี้บางส่วนจะปรากฏอยู่ในคำผญา แต่มีบางส่วนจะเป็นคำกลอนหรือข้อความสั้นๆ ที่มีความหมายให้ได้คิด จึงได้แยกออกมาอีกต่างหาก โดยแยกเป็นกลุ่มๆ ตามความหมายที่กล่าวถึงดังนี้
- หมวดปัญญา, หมวดการศึกษา, หมวดบุญบาป, หมวดคบหา
- หมวดกิน, หมวดทุกข์สุข, หมวดตน
- หมวดคน, หมวดการงาน, หมวดความประมาทและไม่ประมาท
- หมวดเบ็ดเตล็ด
หมวดคน
- คนหลักค้าใกล้ คนใบ้ค้าไกล (ป.)
- คนต่างคน ขนก้นต่างกัน (ป.)
- คนต่างบ้าน ว่านต่างสวน (ป.)
- คนดีบ้านนอก บ่ท่อกอกซอกในเมือง (ป.)
- คนลายใน เสือลายนอก (ป.)
- ควายตู้มักชน คนจนมักเว้า (ป.)
- โง่คนอยู่ใต้ โง่ไม้อยู่เทิง (ป.)
- ซื่อหลายเขาเอาเฮ็ดขื่อ โงหลายเขาเอาเฮ็ดด้ามเกี่ยว เคียวหลายเขาสี้ (ป.)
- ชั่วเจ็ดที ดีเจ็ดหน (ป.)
- ตาบอดคลำช้างมักเถียงกัน (ป.)
- นกเค้าท้วงตาแม่ (ป.)
- บวชสามที ชีสามเทื่อ (ป.)
- ไปบ่ดีแพ้ฮ่าง ย่างบ่ดีแพ้คีง (ป.)
- ผีหลอกบ่ท่อคนหลอก (ป.)
- ผู้ตื่นเดิกขี้ใกล้ ผู้ตื่นสวยขี้ปลายท่ง
- ผู้ดีตาย หน้าลายยัง (ป.)
- ผีเขี้ยวทางบน คนเขี้ยวทางลุ่ม (ป.)
- ผู้ตายขายผู้ยัง ผู้ยังขายผู้ตาย (ป.)
- ฝนตกขี้หมาไหล คนจังไฮพ้อกัน (ป.)
- ไม้ลำเดียวยังต่างปล้อง พี่น้องยังต่างใจ
- ลูกมีพ่อมีแม่ แหมีจิดมีจอม (ป.)
- เลือกผักถืกบ้ง เลือกขาจ้งถืกขามะเฮ็ง (ป.)
- หัวดำไปก่อน หัวด่อนนำหลัง (ป.)
- อย่าให้เขาตัดตีนสินมือ (ป.)
- เอาเมียสาวปานได้งัวซาวแม่ ได้เมียแก่ปานได้แม่ซาวคน (ป.)
- ฮ้ายสามที ดีสามเทื่อ (ป.)
หมวดการงาน
- กำขี้ดีกว่ากำตด (ป.)
- ไก่งามเพราะขน คนงามเพราะแต่ง (บ.)
- เกิดหลายปีเห็นหีหลายส่ำ หีแหล้แหล้ก่ำก่ำน้อยใหญ่กะเห็น (ป.)
- ใกล้สิได้นั่งเมืองปวดท้องขี้ (ป.)
- งานหลวงบ่ขาด งานราษฎร์บ่ไล (ป.)
- ช่างเหล็กใช้พร้าข้อ ช่างหม้อใช้หม้อแตก (ป.)
- ช่างให้เชาว์ เหลาให้เกลี้ยง (ป.)
- ช่างมือมันยาก ช่างปากมันง่าย (ป.)
- เดือนหกให้หว่านกล้า เดือนห้าให้แต่ไถ (ป.)
- เดือนหกอย่าขี่ม้า เดือนห้าอย่าไต่ขัว (ป.)
- ตื่นแต่เช้ากินยอดฟ้า ตื่นสวยกินขวยขี้ไก่โป่ (ป.)
- ตาสิบอดมันแดง ของสิแพงมันถืก (ป.)
- นั่งให้เบิ่งที่ หนีให้เบิ่งบ่อน อยู่ให้ปลูกมอน หนีให้ชอนฮั้ว (บ.)
- นาแล้วฆ่าควายเถิก เศิกแล้วฆ่าคนหาญ (ป.)
- หนักอย่าเซา เบาอย่าแล่น (ป.)
- หนักบ่เอา เบาบ่สู้ (ป.)
- นอนคว่ำให้เบิ่งเชือกควาย นอนหงายให้เบิ่งฟ้า (ป.)
- บ่อนต่ำให้คูณ บ่อนนูนให้ถาก (ป.)
- บ่ย้อมบ่แดง บ่แปลงบ่ใหม่ (ป.)
- เบิ่งวัดให้เบิ่งฐาน เบิ่งบ้านให้เบิ่งครัว (ป.)
- ไปเศิกไปฆ่า ไปค้าไปตั๋ว (ป.)
- ไปป่าอย่ามาดาย หาฟืนตายมาแก้งก้นหม้อ (ป.)
- ไปค้าสามปี บ่ท่อหีสามบ่อ (ป.)
- เพิ่นขี้จั่งหาขอน เพิ่นนอนจั่งหาที่ (ป.)
- พาเศรษฐีไปค้า พาหีหมอยไปยามย่า (ป.)
- ฟันขวานให้ล่ำปลายผ้า ฟันพร้าให้ล่ำปลายตีน (ป.)
- ฟ้าวบวช ฟ้าวสิก ฟ้าสเอาเมีย ฟ้าวปะ (ป.)
- มื้อแลงกวาดเข้า มื้อเช้ากวาดออก (ป.)
- ไม้มิ้นบ่ท่อมือเถิง (ป.)
- มือบ่พายอย่าเอาตีนจุ่มน้ำ (ป.)
- ยามเฮ็ดให้เฮ็ดคือข้า ยามกินกินคืออาชญา (ป.)
- ยามหาให้หาคือไก่ ยามกินให้กินคือแม่ไก่ (ป.)
- ลาบงัวอย่าแพงเข้าคั่ว (ป.)
- ให้ฮักผู้แฮง ให้แพงผู้ใช้ (ป.)
- ให้ตื่นเดิกคือกา ให้หากินคือไก่ (ป.)
- หาบดีกว่าคอน นอนดีกว่านั่ง (ป.)
- เห็นช้างขี้ อย่าขี้นำช้าง (ป.)
- หาบฝุ่นใส่นาขุน (ป.)
- หมั่นเทื่อเดียวหลังฮ้าน คร้านเทื่อเดียวหลังหัก (ป.)
- หาบชิ้นไปสู่ปากเสือ พายเฮือไปสู่ปากเงือก ฝั้นเชือกไปสู่ดังควาย (ป.)
- หมอยาหลวงโตเป็นพยาธิ หมอสินาดกวางขี้ใส่นา หมอหูฮาโตตายบ่ฮู้เมื่อ (ป.)
- หมั่นดอคอหัก (ป.)
- อย่าเฮ็ดกว่าได้ อย่าใช้กว่ามี (ป.)
- อย่าปืดอุ่มไม้หางู (ป.)
- อย่ากินน้ำย้อยศอก (ป.)
- อย่าฟันครกไม้ทอง อย่าเจาะกลองไม้ม่วง อย่าซดบ่วงทางขวาง (ป.)
- อย่าเอาเศิกมาใส่บ้าน อย่าเอาว่านมาใส่สวน (ป.)
- อย่าอาบน้ำบ่อนหนึ่ง สีขาบ่อนหนึ่ง (ป.)
- อยู่บ้านเพิ่นอย่าดูดาย ปั้นฮูบงัวฮูปควายให้ลูกเพิ่นเล่น (ป.)
- อยากฮอดไวให้คลาน อยากฮอดนานให้แล่น (ป.)
- อยากเบิ่งวัดให้เบิ่งฐาน อยากเบิ่งสมภารให้เบิ่งจัวน้อย (ป.)
- ฮ้ายโดดหนี ดีโดดเข้า (ป.)
- เฮ็ดตางลี้ ขี้ตางเซามีแฮง (ป.)
- เฮ็ดนาว่าปีหน้า ไปค้าว่าปีฮือ (ป.)
- เฮ็ดให้ส้ม ต้มให้สุก (ป.)
- เฮ็ดนาอย่าแพงกล้า ไปค้าอย่าแพงทึน (ป.)
- เฮ็ดเฮือนแล้วยังโฮง (ป.)
- ฮ้ายกว่าขี้ ดีกว่าบ่มี (ป.)
- เฮ็ดอีหลีจั่งเห็นหีลูกสาวเพิ่น เฮ็ดเล่นเล่นเห็นแต่ซิ่นมัน (ป.)
- เฮ็ดนาบ่เสียไฮ่ เลี้ยงไก่บ่เสียฮัง (ป.)
- เฮ็ดบ่ได้ ใช้บ่เป็น เกิดอุบาทว์ (ป.)
- เฮ็ดให้เป็น เข็นให้ขาด (ป.)
หมวดประมาทและไม่ประมาท
- กันดีกว่าแก้ แฮดีกว่าลั้ว เอาผัวดีกว่าอยู่เปลี่ยว (ป.)
- เกวียนหล้ม เพราะเพลาหลม (ป.)
- กลางคืนเป็นนกเต็น กลางเว็นเป็นนกเค้า มื้อเช้าเป็นแมวโพง (ป.)
- ขี้ดินดากติดหัวเอิ้นว่าหอน (ป.)
- สิถ่มน้ำลายให้เหลียวเบิ่งป่อง สิเต้นข่วมห่องให้เหลียวเบิ่งหนาม สิถามให้เหลียวเบิ่งหน้า พร้าเข้าอย่าฟันแฮง ของเพิ่นแพงอย่าเข้าใกล้ ได้โชคแล้วอย่ามัวเมา (ป.)
- ได้ใหม่ลืมเก่า ได้เต่าลืมหมา ได้ปลาลืมแห ได้แพรลืมผ้า ได้หนาลืมหลัง (ป.)
- ตักแตนบ่สมพอดีดกะดีด นกปีดบ่สมพอบินกะบิน (ป.)
- เถ้าเสียดาย ตายเสียชื่อ (ป.)
- เถ้าแต่กาย หัวใจบ่เถ้า (ป.)
- ไฟไหม้ป่าจั่งเห็นหน้าหนู น้ำถ่วมฮูจั่งเห็นจิหล่อ (ป.)
- ไม้แก่กว่าหลัว จัวแก่กว่าพระ ไม้ลื่นวา ปลาลื่นฮ้อย เด็กน้อยลื่นผู้ใหญ่ (ป.)
- มัวเมาไห้นำผีตายบ่เป็นประโยชน์ ไห้ต่อหม้อกระเบื้องยังสิได้คั่วขอ (ป.)
- ไม้บ่ทันแทกด้ามอย่าได้อ่าวฮอนตัด เกรงบ่เถิงภายลุนสิโพดมือเมือหน้า (ป.)
- แมงวันเขียวตายย้อนขี้ สาวผู้ดีตายย้อนอ่ง (ป.)
- ไม้อ่อนบ่ห่อนหัก (ป.)
- ยามยากคึดเถิงนาย ยามตายคึดเถิงพระ (ป.)
- หล้มบาดจอด ตาบอดบาดเถ้า คางบ้ำบาดสิตาย (ป.)
- ไวหลายถืกมอง วองหลายถืกข่าย (ป.)
- เว้าจอดจอด บ่ฮอดกะฮ้าน (ป.)
- สี่ตีนยังฮู้พลาด นักปราชญ์ฮู้หลง หงษ์คำถืกบ้วง ควายเถ้าถืกไถ (ป.)
- สนุกอย่านอน เมียวอนอย่ายิน เฮ็ดกินอย่าคร้าน เข้าบ้านอย่าอาย เห็นผีตายอย่าขี้เดียด (ป.)
- ใหญ่ย้อนกินเข้า เถ้าย้อนเกิดหลายปี (ป.)
- หูหนวกเว้าสามหาว ตาบอดเว้าแส่วดาว (ป.)
- อยู่ป่าอย่าท้าเสือ ขี่เฮืออย่าท้าเงือก (ป.)
- อย่าหาเหาเพิ่นมาใส่หัวโต (ป.)
- เฮ็ดนาเหมิดปี ไฟไหม้เล้าเข้า (ป.)
คลิกไปดู หมวดเบ็ดเตล็ด
ภาษิตโบราณอีสานนี้บางส่วนจะปรากฏอยู่ในคำผญา แต่มีบางส่วนจะเป็นคำกลอนหรือข้อความสั้นๆ ที่มีความหมายให้ได้คิด จึงได้แยกออกมาอีกต่างหาก โดยแยกเป็นกลุ่มๆ ตามความหมายที่กล่าวถึงดังนี้
- หมวดปัญญา, หมวดการศึกษา, หมวดบุญบาป, หมวดคบหา
- หมวดกิน, หมวดทุกข์สุข, หมวดตน
- หมวดคน, หมวดการงาน, หมวดความประมาทและไม่ประมาท
- หมวดเบ็ดเตล็ด
หมวดกิน
- กินเข้าโต อย่าโสความเพิ่น (ป.)
- กินหลายท้องแตก แบกหลายหลังหัก (ป.)
- กินบ่ช่างกินเป็นหนี้ สี้บ่ช่างสี้โค็ยคด ตดบ่ช่างตดขี้ออกนำ (ป.)
- กินสมอยาก ปากสมเคียด (ป.)
- กินเข้าผี สี้หีผี อยู่นำผี ฟังความผี (ป.)
- กินมำมำ บ่คลำเบิ่งท้อง (ป.)
- กินแมงวันบ่เบื่อ (ป.)
- กินผู้เดียวบ่ปันหมู่ งูเขียวเกี้ยว (ป.)
- กินช้างบ่เหลือ กินเสือบ่อิ่ม (ป.)
- กินได้ไส้ยาว (ป.)
- กินพวมฮ้อน ฟ้อนพวมเมา (ป.)
- กินแกงแลนปากเป็นหลายลิ้น กินแกงชิ้นปากปลิ้นหลายความ (ป.)
- กินเข้าเย็นเอ็นโค็ยไค่ กินเข้าฮ้อนโค็ยอ่อนนวยนาย (ป.)
- กินนำพี่กะเจ็บท้อง กินนำน้องกะเจ็บปูม (ป.)
- กินผักทังเครือ กินหมากเขือทังข้วน (ป.)
- กินหอยเข้ายัง กินหังเข้าเหมิด (ป.)
- กำพร้าซากจวบนม ผีเผดพ้อเข้าสาก (ป.)
- ของกินน้อยจนใจผู้แบ่ง (ป.)
- ของกินบ่กินมันเน่า ของเก่าบ่เล่ามันลืม (ป.)
- คนกินแฮง บ่ท่อผีกินแฮง (ป.)
- งัวบ่กินหญ้าอย่าข่มเขาหัก หมูบ่กินฮำอย่าตีดังเว้อ (ป.)
- งัวเห็นแก่หญ้า ขี้ข้าเห็นแก่กิน (ป.)
- เจ้าเฮือนพาเว้า เจ้าเหล้าพากิน (ป.)
- ช่างหล่อได้กินท่อขี้หี ช่างตีได้กินท่อหน่อแตด (ป.)
- ชิ้นบ่ได้กิน หนังบ่ได้ฮองนั่ง กระดูกแขวนคอ (ป.)
- ได้กินย้อนหี ได้สี้ย้อนฝัน (ป.)
- ได้กินว่าดี ได้สี้ว่าม่วน (ป.)
- ดังแม่นขอ อิ่มท้องแม่นควาย (ป.)
- เต่าหากินกุ้มปากเต่า แลนหากินกุ้มปากแลน (ป.)
- ของกินบ่แซบให้ฮ้อน เมียบ่งามให้หนุ่ม (ป.)
- นกกระแตดเด้าหากินไกลเขต (ป.)
- น้ำขึ้นปลากินมด น้ำลดมดกินปลา (ป.)
- บ่กินผักบ่มีเหยื่อท้อง บ่เอาพี่น้องเสียหน่อเสียแนว (ป.)
- ปลาใหญ่กินปลาน้อย ปลาสร้อยกินปลาซิว ปลาซิวบ่มีแนวกินกินดิน (ป.)
- ผู้กินกินพอฮาก ผู้อยากอยากพอตาย (ป.)
- ยามกินบ่เฮียก ยามเวียกแล้วใช้ (ป.)
- สมพอกันมันจั่งมันพอกิน (ป.)
- เห็นของกินอยากบวช เห็นหีสวดอยากสิก (ป.)
- หนูกินม้อนจั่งเห็นคุณแมว ลูกแขวนแอวจั่งเห็นคุณพ่อแม่ (ป.)
- อยากกินหลายได้กินท่อก้อย อยากกินน้อยได้กินท่อโป้มือ (ป.)
- คะลำน้ำกินต่อน (ป.)
- อย่ากินขี้ อย่าสี้หมา (ป.)
- อยู่ใกล้เกลือกินดั่ง อยู่ใกล้ครั่งย้อมครั่งบ่แดง นอนสะแคงกอดสาวบ่อุ่น สวดจุ้มบุ้มมืองุ้มบ่เถิง (ป.)
- กินยาต่างผู้ไข้ เผาผีตางเอาถ่าน (ป.)
- อยากเข้าอย่าหุงหลาย อืดนอนนานตาย (ป.)
- เอิ้นกินแล่นใส่ เอิ้นใช้แล่นหนี (ป.)
- เฮ็ดดีผีปันนาให้กิน (ป.)
- ยามกินแล้วง่าย ยามคลายแล้วยาก (ป.)
- กินแม่นปาก ยากแม่นท้อง เทียวขี้แม่นขา (ป.)
- กินน้อยบ่ตาย กินหลายเป็นข้อย (ป.)
- กินอิ่มแล้วบ่อยาก นอนหลับแล้วบ่ย้าน (ป.)
- เลี้ยงเหลือเกืออิ่ม (ป.)
หมวดทุกข์สุข
- คาดทุกข์บ่ห่อนมี คาดมีบ่ห่อนไฮ้ คาดได้บ่ห่อนเสีย คาดเป็นผัวเป็นเมียบ่ฮ้อนฮ้าง (ป.)
- ถากไม้ขวานบ่เข้านี่กะยาก บ่มีเข้ากินลูกหลานหลายนี่กะยาก ตายบ่มีพี่น้องหามไปถิ้มนี่กะยาก ตอกลิ่มใส่ลายขัดนี่กะยาก ไปวัดมนต์เจ้าหัวบ่อยู่นี่กะยาก ไต่ขัวไม้ลำเดียวนี่กะยาก เทียวทางไกลบ่มีเพื่อนนี่กะยาก ป้องไก่เถื่อนในดงนี่กะยาก (บ.)
- ทุกข์ให้เลี้ยง ปากเกลี้ยงให้ไล่หนี (ป.)
- คนทุกข์ใช้ของดี คนมีใช้ของขาด (ป.)
- เห็นเขาทุกข์อย่าทาน เห็นเขามานอย่าท้วง (ป.)
- ทุกข์เพิ่นบ่ว่าดี มีเพิ่นจั่งว่าพี่น้อง ลุงป้าเอิ้นว่าหลาน (ป.)
- ทุกข์คอบปาก อยากคอบท้อง เคยแล้วอยู่บ่เป็น (ป.)
- ทุกข์บ่มีเสื้อผ้าฝาเฮือนเพกะพออยู่ ทุกข์บ่มีเข้าอยู่ท้องนอนลี้อยู่บ่เป็น (ป.)
- ทุกข์หนึ่งลูกตายเสีย ทุกข์สองเมียตายจาก ทุกข์สามพรากพี่น้องหนีไปไกล ทุกข์สี่ลงไปไทยค้างัวต่าง ทุกข์ห้าผัวเมียฮ้างปะกัน ทุกข์หกไปนอนวันพรากพี่น้อง ทุกข์เจ็ดป้องหมูน้อยลงไปขาย ทุกข์แปดพ่อแม่ตายแสนคึดฮอด ทุกข์เก้าบ่มีเมียกอดนอนอยู่ผู้เดียว ทุกข์สิบเทียวทางหลงยามค่ำ ทุกข์สิบเอ็ดฝนตกฮำฟ้าฮ้อง ทุกข์สิบสองเจ็บปวดท้องบ่มียา ทุกข์สิบสามทุกขาขี้หน่อโม้ (บ.)
- ทุกข์ให้เลี้ยงม้า กำพร้าให้เลี้ยงหมู (ป.)
- เทียวทางไกลอยากน้ำนี่กะยาก ปวดม้ามไกลหมอยานี่กะยาก เฮ็ดนาน้ำท่วมกะยาก อยากเหล้าบ่มีกินนี่กะยาก ฝนตกลินปวดท้องขี้นี่กะยาก (บ.)
- บ่ทุกข์บ่ยาก บ่อึดบ่อยาก (ป.)
- มีเงินเว้าได้ มีไม้เฮ็ดเฮือนงาม (ป.)
- มีเงินให้เพิ่นกู้ มีชู้ให้เพิ่นเล่น (ป.)
- มีเป็นคน จนเป็นหมา (ป.)
- สุขเมืองฟ้ามีแต่แดดกับฝน สุขเมืองคนมีแต่กินกับสี้ (ป.)
- สุขเพราะมีเข้ากิน สุขเพราะมีดินอยู่ สุขเพราะมีคู่นอนนำ สุขเพราะมีเงินคำใช้เต็มไถ่ สุขเพราะมีเฮือนหลังใหญ่มุงแป้นกระดาน สุขเพราะมีลูกหลานหลายมานั่งเฝ้า (ป.)
- อยากทุกข์ให้เป็นนายคน อยากสาละวนให้เอาเมียแม่น้อย อยากให้เขาป้อยให้ขี้ใส่หนทาง (บ.)
- อยากจนให้ขี่ถี่ อยากมีให้ให้ทาน (ป.)
- อยากทุกข์ให้เป็นนาย อยากสำบายให้เป็นแหล้ง (ป.)
- อยากทุกข์ให้ค้าควาย อยากรวยให้ค้าโบกค้าเบี้ย (ป.)
- อยากมีหลายมันไฮ้ อยากได้หลายมันตาย (ป.)
- อยากมีให้ยืมเงินไปค้า อยากขึ้นชั้นฟ้าให้ฆ่าเจ้าเอาของ (ป.)
- ฉฮ่งทุกข์แฮ่งซ้ำ หีบ้ำถืกโค็ยกิ (ป.)
หมวดคน
- คึดต่อพี่เป็นฮิบฮี่ คึดต่อน้องเป็นล้องค้อง คึดต่อโตเป็นโปโพพ้นเพิ่น (ป.)
- คึดต่อน้ำห้วยหน้าดีฮ้ายส่องบ่เห็น (ป.)
- ซ่าเพิ่นดี ซ่าโตหีติดดาก (ป.)
- โตบ่ช่างว่าไม้บ่เหนียว โตหีเคียวว่ากรรมก่อนกี้ (ป.)
- ผ้าบ่ขาดอย่าอยากนุ่งผ้าลาย เมียบ่ตายอย่าอยากเอาเมียใหม่ (ป.)
- เพิ่นซังโตอย่าโงซังตอบ (ป.)
- มืนตาบ่เห็นพี่ ตี่ตาบ่เห็นน้อง (ป.)
- ว่าโตกระดัดเขาแฮ่งกระด้อ ว่าโตจ้อก้อเขาแฮ่งนั่งตอ (ป.)
- อย่าเชื่อใจทาง อย่าวางใจคน มันจนใจโต (ป.)
- อยากให้เพิ่นฮักให้ฮักเพิ่นก่อน อยากให้เพิ่นซังให้ซังเพิ่นก่อน (ป.)
- อยากให้เพิ่นดับโตดับ อยากให้เพิ่นวายโตวาย อยากให้เพิ่นตายโตตาย (ป.)
คลิกไปอ่าน หมวดคน, หมวดการงาน, หมวดความประมาทและไม่ประมาท
